09.10.2023 | 10:13
Бөлісу:
Азия атлеттерінің Ханчжоудағы аламаны аяқталды
Қытайдың Ханчжоу қаласында ХІХ жазғы Азия ойындарының салтанатты жабылу рәсімі өтті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Олимпиадалық спорт орталығында өткен іс-шара «Ханчжоудың мәңгі естеліктері» атты тақырыпқа арналды. Делегациялар шеруінде еліміздің байрағын WKF каратэден ойындардың чемпионы Нұрқанат Әжіқанов ұстап шықты.
Ресми рәсім Азия ойындарының алауын келесі қабылдайтын қала Айти-Нагояға (Жапония, 2026 жылы) табыстаумен мәресіне жетті.
Айта кеитейік, Ұлттық құрама ХІХ Азия ойындарында 10 алтын, 22 күміс және 48 қола жүлдеге қол жеткізді. Медаль саны бойынша 5орында:
1.Қытай-383 медаль
2.Оңтүстік Корея-190 медаль
3.Жапония-188 медаль
4. Үндістан-107 медаль
5.Қазақстан-80 медаль
6. Өзбекстан-71 медаль.
Ал жалпыкомандалық есепте Қазақстан 11-орында:
1.Қытай
2.Жапония
3.Оңтүстік Корея
4.Үндістан
5.Өзбекстан
6.Тайпей
7.Иран
8.Таиланд
9.Бахрейн
10.Солтүстік Корея
11.Қазақстан.
Қытайда өткен XIX жазғы Азия ойындарына 45 мемлекет қатысты. Бұл қатарда олар 9 спорт түрінен келе жатқан Париж Олимпиадасының жолдамасын сарапқа салғанын айта кеткен жөн.
Жаңалықтардан қапы қалмау үшін бізге жазылыңыз:
