21.10.2024 | 23:22
Бөлісу:
ӘЛЕМ ЧЕМПИОНАТЫНЫҢ 1-КҮНІ: БЕЙБІТ ҚОРҒАНОВ ЖҰБАНЫШ БЕЛДЕСУІНЕ ҚАТЫСАДЫ
Бүгін Албанияның астанасы Тиранада 23 жасқа дейінгі палуандар арасындағы әлем чемпионаты басталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Алғашқы жарыс күні грек-рим күресінен 60, 67, 72, 82 және 97 кг дейінгі салмақтағы іріктеу өтті.
Бозкілемге шыққан 5 отандасымыздың ішінде Досжан Өтепқалиев (60 кг) қана ширек финалға шыққан. Өкінішке қарай, оны жеңген грузиялық палуан финалға шыға алмады. Осылайша, Досжан қола жүлдеге таластан тыс қалды.
Ал Дін-Мұхамед Қошқар (67 кг), Мерей Мәулетқанов (72 кг) пен Бейбіт Қорғанов (97 кг) 1/8 айналымда қарсыласынан ары аса алмады. Мұнда тек Бейбітті жеңген армениялық Хайк Хлоян санаулы сəттер бұрын ақтық сынға жолдама алды. Енді ертең отандасымыз қола медаль үшін таласқа түседі.
Сондай-ақ 82 кг дейінгі салмақта сынға түскен отандасымыз Альмир Төлебаев алғашқы белдесуінде Кун Шангқа (Қытай) есе жіберді. Тең аяқталған (3-3) айқаста соңғы әдісті қытайлық істеп кетті.
Ертең Астана уақытымен жұбаныш белдесулер сағат 13:30-да басталады. Ал 55, 63, 77, 87 және 130 кг салмақтағы іріктеу сағат 17:00-ге жоспарланған.
Фото: Спортты дамыту дирекциясының баспасөз қызметі.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
ЕРЖЕТ ЖАРЛЫҚАСЫН ӘЛЕМ ЧЕМПИОНАТЫНЫҢ ФИНАЛЫНДА КҮРЕСЕДІ
.jpg)